رد ناري من إلهام شاهين على منتقدي ظهورها بدون حجاب أثناء صلاة جنازة مها أبو عوف
حرصت الفنانة إلهام شاهين على الرد على الانتقادات التى طالتها بسبب ظهورها بدون حجاب أثناء صلاة جنازة مها أبوعوف
حيث أكدت خلال مداخلة هاتفية ببرنامج كلام الناس المذاع عبر فضائية “إم بي سي مصر” قائلة: “أنا مش بتابع السوشيال ميديا خالص الحقيقة ولو فيه حاجة عليا حد بيحكيلي، والجمهور ملوش دعوة بمين حضر ومين محضرش، ودي حاجة متخصهومش”.
وأضافت: “كنت لابسة حجاب ولكن الطرحة وقعت وكانت متدلدلة على كتفي، واتزحلقت ومأخدتش بالي للحظة وبعد كدا لبستها، واللي واقف بيصور الناس وهي بتصلي دا تافه”.
وتابعت: “مفيش جنازة إلا أما بيبقى كم من الفنانين فظيع موجود، وامبارح كان فيه ناس موجودة معرفناش بعض من كتر ما هم كتير، ودنيا سمير غانم كانت موجودة وانا ماخدتش بالي إلا من خلال الصور، واحنا مش رايحين نتصور”.
واختتمت قائلة: “الفنانة الراحلة مها أبوعوف تعتبر زميلة عزيزة ولينا مع بعض عشرة وذكريات”.
