غادة عبد الرازق: دخلت الفن بالصدفة وفرحت جدًا لما سمير غانم عرض عليا التمثيل
الفنانة غادة عبد الرازق
حلت الفنانة غادة عبد الرازق ضيفةً في برنامج ” فرصة سعيدة ” من تقديم الفنان شريف منيروالمُذاع على فضائية ” دريم” ، حيث كشفت خلال حوارها عن الطريقة التي دخلت بها عالم التمثيل وأول مشهد لها أمام الكاميرا ، كما تحدثت عن تخصصها الدراسي وكيف التحقت به .
علقت الفنانة غادة عبد الرازق على سؤال :” انتي ليه اختارتي تدرسي في الأكاديمية البريطانية شبعة إدارة أعمال ؟” ، ضاحكةً :” عشان كنت معقدة” ، معقبة:” الى خلاني ادخلها والدي الله يرحمه ومكنتش عندي رغبة أدخلها وهو إلي قررلي ادخلها وكنت بحلم أكون مضيفة أو دكتورة “.
وقالت غادة عبد الرازق :” دخلت التمثيل بالصدفة ،كنت عند الاستاذ سمير غانم في المسرح وطلعت اسلم عليه واباركله على المسرحية فقالي انتي مش عايزة تمثلي ؟ قلتله ياريت ..وقالي أصل أنا بعمل فيلم لشريهان وبندور على وجه جديد وعايزين حد يمثل في الفيلم “.
وتابعت :” كنت فرحانة جدًا لما الاستاذ سمير عرض عليا العرض ده وكنت متخيلة نفسي رايحة رحلة وأن أول ما أقف قدام الكاميرا هبقى فاتن حمامة “، مردفةً :” أول مشهد ليا قدام الكاميرا معرفتش أقول كلمة وبقى شكلي وحش اوي قدامهم “.
وسردت :” كنت واخدة موضوع التمثيل في الأول عند لأني كنت مترشحة في عمل والمخرج لما شافني قال لا تصصلح أن تكون ممثلة “، متابعةً :” بعد فترة المخرج ده بعتلي مسلسل رمضاني عشان أعمله وانا فكرته بالموقف ده وقالي أنا كنت بهزر ومعملتش المسلسل “.
